Najeriya ta dakatar da bude kamfanin sufurin jiragen sama sai mama ta gani

By Mr Amanagurus Wednesday, 19 September 2018

Share Tweet Share Share Email

Gwamnatin tarayya ta dage kaddamar da sabon kamfanin jiragen sama na Najeriya me suna Nigeria Air a turanci har sai mama ta gani.
Ministan sufurin jiragen sama,Hadi Sirika ne ya bayyanawa manema labarai haka bayan kammala taron majlisar koli ta kasa a jiya, Labaraba.
Ministan ya ce, majalisar a yanzu ta jinginar da aikin kafa kamfanin sufurin jirgin sama na Najeriyar.
Duk da cewa ministan ya ce, dakatarwar ta wucin-gadi ce, amma kuma bai sanar da lokacin da za a dawo kan maganar ci gaba da aikin ganin jiragen kamfanin na Nigeria Air sun fara tashi ba, abin da ake ganin da wuya ya yiwu a nan da dan gajeren lokaci domin kasar na fuskantar manyan zabukanta a shekara mai zuwa.
Wannan sanarwa ta dakatar da kafa kamfanin sufurin jiragen saman na Najeriya ta zo ne da bazata, ganin cewa kasa da wata uku ya rage wato a watan Disamba na wannan shekara da ake ciki ta 2018 ya fara aiki.