Alhajin Najeriya ya mayar da makudan kudaden daya tsinta a Makka

By Mr Amanagurus Friday, 24 August 2018

Share Tweet Share Share Email

Wani alhaji daga Najeriya dake gudanar da aikin hajjin bana a kasar Saudiyyya ya mayar da fiye da N1.4 da ya tsinta a Makkah.
An bayyana sunan alhajin, Musa Mohammed Edotsu, daga jihar Neja kuma ya tsinci kudin ne a sansanin alhazai na jihar Neja a Makkah.
Wani dan jarida daga jihar Neja ,Alhaji Abdul Isa, ya bayyana a shafinsa na dandalin sada zumunta na Whattsapp cewar alhajin ya mayar da kudin da ya tsinta ga wakilan hukumar alhazai ta jihar Neja domin a mayarwa da mai su.
A cewar Isa, daga baya an gano cewsar kudin mallakar shugaban hukumar kula da jin dadin alhazai na jihar Enugu ne, Alhaji Zukalraini Saeed.
Da yake mayar da makudan kudaden gam ai su, shugaban hukumar jin dadin alhazai ta jihar Neja, Alhaji Abubakar Magaji, ya bayyana cewar sun gano mai kudin ne bayan ganin wasu kayansa cikin kudin da suka hada da fasfo dinsa.
Wanda ya zubar da kudin, Alhaji Zulkalraini, ya bayyana jin dadinsa tare yin godiya ga hukumar alhazai ta jihar Neja bisa wannan hali na tsoron Allah da suka nuna. Kazalika ya yi kira ga ragowar alhazai dake aikin hajji da suyi koyi da kyawawan halaye irin na wanda ya dawo da kudin, Alhaji Edotsu.
Naija.ng.